Política de privacidade

Ao usar este sitio web («www.mimov.com»), as súas aplicacións asociadas, plataformas ou calquera dos seus servizos e formularios, UNEI Iniciativa Social S.L.U., («UNEI») recolle os datos persoais de cada usuario (o «Usuario») segundo o Aviso Legal e a normativa aplicable vixente, isto é, a Lei Orgánica 3/2018, do 5 de decembro, de Protección de Datos Persoais e garantía dos dereitos dixitais, e o Regulamento (UE) 2016/679 do Parlamento Europeo e do Consello, do 27 de abril de 2016, relativo á protección das persoas físicas no tocante ao tratamento dos datos persoais e á libre circulación destes datos, aínda que algunha das empresas que interveñen non pertenza ao Espazo Económico Europeo. O tratamento dos seus datos persoais rexerase por esta política de privacidade («Política de Privacidade») e calquera outra que a substitúa no futuro. Todo aquel Usuario que non estea conforme coa Política de Privacidade ou co Aviso legal deberá absterse de acceder, completar formularios ou usar o Sitio Web de calquera outro xeito.

Responsable do tratamento dos datos

1. O responsable da recollida e tratamento dos teus datos persoais no Sitio Web é UNEI Iniciativa Social SL («UNEI»), con número de identificación fiscal B-41.610.825, domicilio en r/ Automoción, 5, Polígono Industrial Calonge, 41007 Sevilla, e enderezo de correo electrónico para estes efectos dpd@unei.com.

1.2. UNEI está interesado na privacidade dos Datos Persoais dos seus Usuarios e, para estes efectos, dispón dun delegado de protección de datos a quen poden dirixir as súas notificacións. Os datos de contacto do delegado de Protección de Datos son os seguintes:

Entidade	UNEI Iniciativa Social S.L.U.
N.I.F.	B-41.610.825
Domicilio	R/ Automoción, 5, Polígono Industrial Calonge, 41007 Sevilla
Correo electrónico	dpd@unei.com
Delegado de Protección de Datos	Pablo Díaz Domínguez

Información que se recolle no Sitio Web

2.1. UNEI só compila información proporcionada polos Usuarios que se rexistran no Sitio Web ou nas aplicacións asociadas mediante os distintos formularios dispoñibles, ou recollida a través do uso do dispositivo (en diante, os «Datos Persoais»):

Formulario de contacto: a través dese formulario, UNEI compila a seguinte información directamente do Usuario que contacta: nome, correo electrónico, teléfono, país e mensaxe.

(ii) Aplicación móbil MIMOV Care (dispoñible nos markets Google Play e App Store): a través desta aplicación solicítanse os datos de contacto (nome, apelidos, correo e teléfono) para proporcionárllelos aos provedores de servizo e que estes poidan realizar o proceso de autorización da vinculación de dispositivos Mimov á aplicación de familiares e coidadores.

2.2. En ningún caso é necesario que os Usuarios inclúan información ou datos de carácter sensible, como a orixe étnica ou racial, as opinións políticas, as conviccións relixiosas ou filosóficas, a afiliación sindical, datos relativos á saúde ou á vida sexual, a orientación sexual ou datos relativos aos antecedentes penais.

2.3. UNEI compila así mesmo información a través de cookies e doutro tipo de tecnoloxías similares. Para obter máis información neste sentido, consulte a nosa Política de Cookies.

Uso dos datos empregados e base xurídica

3.1. UNEI usa os Datos Persoais dos Usuarios proporcionados ou recollidos segundo a presente Política de Privacidade para proporcionar, personalizar, desenvolver e, en definitiva, mellorar a prestación dos servizos ofrecidos no Sitio Web e as súas aplicacións asociadas.

3.2. O xeito preciso no que UNEI usa os Datos Persoais dos Usuarios dependerá, en última instancia, do uso do Sitio Web que realice cada Usuario.

3.3. UNEI usará os Datos Persoais para a prestación dos servizos a través do Sitio Web e, en particular, coas seguintes finalidades:

3.3.1. Contacto (base xurídica: interese lexítimo). Con base no interese lexítimo de UNEI de atender a súa solicitude, así como no seu consentimento ao enviar a consulta, UNEI poderá tratar os Datos Persoais para atender as consultas dos Usuarios cando se poñen en contacto con UNEI en relación cos servizos prestados por UNEI ou calquera das sociedades do seu grupo.

3.3.2. Rexistro de Usuarios (base xurídica: execución do contrato). Con base no contrato de prestación de servizos levado a cabo cos Usuarios de Mimov, UNEI poderá tratar os Datos Persoais dos Usuarios para o seu rexistro, xestión da relación de usuario e prestación dos servizos obxecto de rexistro.

De igual xeito, UNEI tamén poderá tratar os Datos Persoais de localización do Usuario codificados para a prestación dos servizos de xeolocalización inherentes ao contrato de servizo de Mimov.

3.3.3. Outras. Con base no interese lexítimo de UNEI, os Datos Persoais dos Usuarios tamén poderán ser usados para investigar e analizar o uso do Sitio Web, coa finalidade de mellorar os servizos prestados aos Usuarios e ofrecerlles unha maior seguridade en relación cos seus Datos Persoais e o uso do Sitio Web. Para isto, realízanse investigacións, estudos, estatísticas, enquisas, análises dos parámetros de uso, melloras das políticas, estudos de tendencias no mercado, úsanse os datos para a prevención do fraude, etc. Na medida do posible, a información empregada con esta finalidade será información agregada a nivel estatístico, sen identificación do Usuario.

3.4. En calquera caso, UNEI permite aos Usuarios cambiar as súas preferencias para usar os seus Datos Persoais con algunha das finalidades antes descritas. Non obstante, os Usuarios son conscientes de que calquera cambio neste sentido pode provocar que o Usuario perda certa calidade e prestacións nos servizos proporcionados a través do Sitio Web.

3.5. Os Datos Persoais proporcionados non serán compartidos nin empregados para finalidades distintas das previstas na presente Política de Privacidade.

Servizos de localización

4.1. O servizo prestado por Mimov inclúe necesariamente a recollida de datos de localización para que os familiares autorizados polo propio Usuario poidan localizar, controlar e comunicarse en tempo real co Usuario en todo momento.

4.2. A activación deste servizo é estritamente necesaria para a prestación do servizo. O Usuario é informado de que a solicitude do servizo de Mimov implica o tratamento de datos persoais de localización mentres que o dispositivo estea acendido e o servizo estea activo.

4.3. Os datos recollidos contan coas medidas de seguridade necesarias para o seu almacenamento e serán conservados durante o prazo máximo de seis (6) meses, tras o cal serán trasladados a un arquivo local, onde se manterán durante un prazo máximo de cinco (5) anos.

4.4. O Usuario poderá desactivar os servizos ou rematar a súa relación con Mimov en calquera momento dende a súa área persoal ou no teléfono ou correo de contacto previsto no Sitio Web e nesta Política.

Quen accede aos datos dos Usuarios? Quen son os destinatarios?

5.1. A información persoal dos Usuarios só será accesible segundo a presente Política de Privacidade.

5.2. Grupo de empresas UNEI. Se así o require a prestación dos servizos de Mimov contratados polo Usuario, UNEI tamén poderá ceder os Datos Persoais dos Usuarios que se rexistrasen no Sitio Web ás compañías do seu grupo de empresas con fins administrativos internos e de xestión do grupo. Ademais, se a solicitude de información ou contacto está relacionada con algunha das empresas do grupo, UNEI tamén poderá transmitir a solicitude co fin de facilitarlle a información solicitada.

5.3. Provedores de servizos. UNEI pode valerse doutras empresas para a prestación de determinados servizos baixo as directrices de UNEI. Para a prestación de tales servizos necesarios para o funcionamento do Sitio Web (por exemplo, asesoría, auditoría ou IT-mantemento), esas terceiras empresas poden precisar certa información e datos dos Usuarios. UNEI garante que, nestes casos, as mencionadas terceiras partes terán un acceso limitado á información dos Usuarios na medida necesaria para executar as tarefas encomendadas, asinarán con UNEI un contrato de encargo de tratamento e quedarán obrigadas a non desvelar a información nin a empregala para fins distintos aos da prestación do servizo correspondente.

5.4. Divulgacións requiridas por lei. UNEI poderá comunicar os Datos Persoais e a información proporcionada polos Usuarios cando así o requira a lei, nun procedemento xudicial, para investigar unha actividade sospeitosa ou para protexer os dereitos propios e os dos Usuarios de calquera outro xeito. Nestes casos, UNEI comprométese a notificar os Usuarios de que os seus datos foron solicitados xuridicamente, na medida en que sexa posible e nos casos nos que tal comunicación non sexa incompatible coa finalidade para a cal os datos foron inicialmente divulgados.

Conservación dos datos

6.1. UNEI conserva a maior parte dos Datos Persoais mentres sexan necesarios para cumprir coas finalidades antes indicadas. Unha vez cumpridas, UNEI conservará os Datos Persoais, bloqueados, durante o tempo no que poidan derivarse responsabilidades para UNEI ou así o esixa a lei. Na medida do posible, a información será anonimizada unha vez que o Usuario peche a súa conta. En particular:

(i) Contacto: na medida necesaria para facilitar aos Usuarios a información solicitada e contestar a consulta. Unha vez contestada, os datos serán bloqueados e conservados só para o cumprimento das obrigas legais.

Rexistro de Usuarios do servizo Mimov: durante a prestación dos servizos contratados. Unha vez finalizados os servizos ou desactivada algunha das funcións, os datos serán bloqueados e conservados só para o cumprimento das obrigas legais.

Onde se almacenan os Datos Persoais?

7.1. UNEI recolle, almacena e trata os Datos Persoais dos Usuarios en distintos servidores e plataformas dentro do Espazo Económico Europeo.

Representacións e garantías

8.1. Os Usuarios garanten que os Datos Persoais proporcionados son certos e exactos e comprométense a notificar calquera cambio ou modificación. Serán responsables de calquera perda ou dano causado ao Sitio Web, UNEI ou a calquera terceiro mediante a comunicación de información errónea, inexacta ou incompleta.

Seguridade dos Datos Persoais dos Usuarios

9.1. UNEI preocúpase pola seguridade e a protección dos Datos Persoais dos seus Usuarios, e intenta previr os fallos en materia de seguridade que se poidan producir.

9.2. Para estes efectos, UNEI adopta e aplica medidas de índole técnica e organizativa necesarias para garantir a confidencialidade, a integridade e a seguridade dos datos de carácter persoal, e evitar a súa perda, alteración, tratamento ou acceso non autorizado, tendo en conta o estado da tecnoloxía e a natureza dos datos almacenados. Así mesmo, UNEI controla periodicamente os seus sistemas para detectar posibles vulnerabilidades e ataques.

9.3. Non obstante, os Usuarios son conscientes de que a seguridade en Internet non é inexpugnable e de que non existe ningunha garantía de que non se poida acceder, divulgar, alterar ou destruír os datos se se produce unha filtración nalgunha das medidas de seguridade instaladas.

Exercicio dos dereitos dos Usuarios

10.1. Segundo a lexislación aplicable, os Usuarios que facilitasen os seus Datos Persoais poderán solicitar o exercicio dos seus dereitos de acceso, rectificación, cancelación, limitación do seu tratamento e oposición ao tratamento, así como o dereito á portabilidade dos seus datos e á retirada do consentimento prestado, mediante unha notificación por escrito a dpd@unei.com.

10.1.1. Acceso aos datos. Os Usuarios poderán acceder aos seus Datos Persoais en calquera momento e solicitar información en relación co seu tratamento.

10.1.2. Rectificación dos datos. Os Usuarios terán dereito a solicitar a rectificación dos Datos Persoais que sexan inexactos ou incompletos.

10.1.3. Limitación do tratamento dos datos. Os Usuarios terán dereito a solicitar a limitación do tratamento dos seus Datos Persoais cando legalmente así se estableza.

10.1.4. Supresión. Os Usuarios poden solicitar que os seus datos persoais se supriman e deixen de tratarse se xa non son necesarios para os fins para os que foron recollidos, cando retiren o seu consentimento, foran tratados ilicitamente ou doutro xeito, ou así o estableza a lei.

10.1.5. Oposición ao tratamento. Os Usuarios poderán opoñerse ao tratamento dos seus Datos Persoais cando legalmente así se estableza.

10.1.6. Portabilidade dos datos. Os Usuarios terán dereito a recibir os seus Datos Persoais nun formato estruturado, de uso común e lectura mecánica, e a transmitirllos a outro responsable do tratamento.

10.1.7. Retirada do consentimento. Os Usuarios poderán retirar o consentimento prestado en calquera momento, cando este sexa a base xurídica do tratamento. A retirada do consentimento non afectará á licitude do tratamento baseada no consentimento previo á súa retirada.

10.2. No caso de resultar necesario para a identificación inequívoca do Usuario, UNEI poderá solicitarlle ao Usuario unha copia do seu DNI, pasaporte ou outro documento válido que o identifique, nos casos legalmente establecidos.

10.3. En calquera caso, os Usuarios poderán tamén presentar unha reclamación ante a autoridade de control competente.

Cambios na Política de Privacidade

11.1. UNEI reserva o dereito de modificar esta Política de Privacidade en función de novas esixencias lexislativas, regulamentarias, por motivos de seguridade ou coa finalidade de adaptar esta política ás instrucións das autoridades de control en materia de protección de datos ou a novos procesos.

11.2. Cando se produzan cambios significativos nesta Política de Privacidade, comunicaráselles e ofreceráselles a todos os Usuarios a posibilidade de revisar os cambios a través do Sitio Web e, no caso de resultar necesario, aceptalos antes de que se fagan efectivos.

Contacto

12.1. Para calquera dúbida ou consulta acerca desta Política de Privacidade, non dubide en comunicarse con nós a través da sección de «Contacto» do Sitio Web ou mediante un correo electrónico dirixido a comercial@mimov.com

De xeito resumido, que se fai cos Datos Persoais?

Finalidades	Categorías de datos	Base xurídica	Destinatarios	Prazos de conservación
Contacto: atender as consultas dos Usuarios cando se poñen en contacto con UNEI.	Nome, apelidos, correo electrónico, asunto e mensaxe.	Interese lexítimo e consentimento.	Grupos de empresa. Provedores de servizos.	Prazo necesario para atender a consulta.
Facilitar os datos da solicitude de vinculación do dispositivo ao provedor do servizo de teleasistencia, para que autorice ou non esta vinculación.	Nome, apelidos, correo electrónico e teléfono do usuario	Consentimento	Empresa que prestará o servizo de teleasistencia mediante os dispositivos MIMOV	Mentres dure o contrato de UNEI coa empresa provedora do servizo de teleasistencia.