GUÍA PARA O USUARIO APLICACIÓN MIMOV

1. INTRODUCIÓN

MIMOV é unha aplicación móbil que permite xestionar e facer un seguimento dos dispositivos dos seus familiares de maneira cómoda e sinxela. A través da aplicación é posible consultar distintos aspectos: localización do dispositivo, revisar percorridos, consultar recordatorios e visualizar información do estado en tempo real.

A aplicación está dispoñible para dispositivos Android e iOS.

2. DESCARGA E INICIO DE SESIÓN

A descarga da aplicación pode facerse dende:

• Android: Google Play Store.

• iOS: App Store.

Unha vez instalada, a primeira pantalla que aparecerá será a de iniciar a sesión.

Para acceder á aplicación será necesario aceptar os Termos e Condicións, así como a Política de Privacidade. Pode consultar o contido de ambos os documentos premendo nas ligazóns resaltadas en cor rosa.

Unha vez aceptados os Termos e Condicións e a Política de Privacidade, poderá iniciar a sesión mediante unha:

• Conta de Google (dispoñible en Android e en iOS).

• Conta de Apple (exclusivo de iOS).

NOTA: É necesario dispoñer de conexión a Internet para completar o inicio de sesión.

3. VINCULAR DISPOSITIVO

Una vez iniciada a sesión correctamente terá acceso á pantalla principal da aplicación.

Para engadir un novo dispositivo:

1. Prema o botón flotante «+» (cor rosa).

2. Acceda ao menú de vinculación.

3. Complete como mínimo os campos obrigatorios marcados con (*).

Os campos obrigatorios son Nome do dispositivo e IMEI. O IMEI pode introducirse de xeito manual ou escaneando o código QR do dispositivo.

¿QUE É O IMEI?

O IMEI (Identidade Internacional de Equipo Móbil) é un código único de 15 díxitos que identifica un dispositivo de forma exclusiva.

Opcionalmente tamén poden engadirse:

• Nome.

• Apelidos.

• Correo electrónico.

• Número de teléfono.

Una vez completados os campos obrigatorios, habilitarase o botón de Vincular agora.

4. DISPOSITIVO PENDENTE DE VINCULACIÓN

Unha vez solicitada a vinculación dun dispositivo, este aparecerá como «Pendente de vinculación».

A vinculación dos dispositivos non é inmediata, xa que a empresa provedora do servizo deberá verificar a veracidade:

• Dos datos introducidos.

• Da identidade do usuario que quere vincular un dispositivo.

Este proceso garante a integridade e seguridade dos usuarios involucrados.

A vinculación por parte do provedor pode tomar un tempo e no caso de dúbida, pode facerse clic sobre o dispositivo pendente de vinculación para obter máis información.

Se preme sobre o dispositivo pendente, obterá información adicional do provedor:

• Empresa provedora do servicio.

• Correo electrónico de contacto.

• Número de teléfono.

Ao premer nos campos de correo electrónico ou de número de teléfono, a aplicación abrirá de forma automática a súa aplicación de correo ou o marcador do seu móbil.

5. DISPOSITIVOS VINCULADOS

Unha vez aceptada a petición de vinculación, o dispositivo aparecerá na pantalla principal.

Unha vez que se rexistren datos por primeira vez, dende esta vista poderá facer un seguimento dos seguintes parámetros:

• Nome do dispositivo.

• Estado de vinculación.

• Nivel de batería.

• Conectividade móbil.

• Data e hora de última conexión.

• Última localización rexistrada.

6. DETALLES DO DISPOSITIVO

Prema sobre calquera dos seus dispositivos vinculados para visualizar información detallada.

Dende esta pantalla pode visualizar:

• Valores dos últimos datos biométricos rexistrados, se o dispositivo o permite e está configurado para iso.

• Configuración do dispositivo.

• Percorridos.

• Recordatorios, se o dispositivo o permite e está configurado para iso.

• Opcións de navegación e localización.

7. LOCALIZACIÓN DO DISPOSITIVO

Tanto dende a pantalla principal como dende dentro dos detalles dun dispositivo, é posible acceder a unha vista previa da última localización rexistrada. Para ver o mapa en pantalla completa e ter dispoñibles máis detalles, prema a icona de expandir situada na esquina superior dereita do mapa.

Nesta vista poderá:

• Consultar a localización exacta.

• Ver información detallada do punto rexistrado.

Os datos que se amosan ao premer sobre o punto correspóndense cos seguintes parámetros:

• Nome do dispositivo.

• Data e hora de rexistro.

• Coordenadas GPS.

• Precisión da localización.

8. PERCORRIDOS

No menú «Percorridos» poderá consultar o historial de desprazamentos que rexistrou o dispositivo. A información amosada dependerá dun filtro que atende a:

• A data seleccionada.

• A franxa horaria elixida.

Só se amosarán percorridos no caso de coincidencia coa data e hora elixidas.

9. RECORDATORIOS

Se o dispositivo dispón de recordatorios configurados, poderá visualizarse o número de recordatorios activos dende a vista previa.

Ao acceder ao menú de recordatorios amosarase información detallada sobre:

• A mensaxe ou locución configurada.

• A hora programada.

• A frecuencia.

• O período de vixencia.

A aplicación permítelle ao usuario consultar os recordatorios que o dispositivo teña configurado.

A cor da icona permite identificar rapidamente o estado do recordatorio:

• Rosa: recordatorio activo.

• Gris: recordatorio inactivo.

10. COMO CHEGAR

A función «Como chegar» permite abrir a ferramenta de navegación que teña configurada como predeterminada o usuario no seu móbil para calcular a ruta cara á última localización rexistrada polo dispositivo.

Ao premer sobre esta opción, pediráselle ao usuario que autorice o abandono da aplicación Mimov e a saída á aplicación de navegación externa.

Unha vez confirmada a acción, poderá:

• Consultar a distancia ata o dispositivo.

• Obter indicacións de navegación.

11. CONFIGURACIÓN DO DISPOSITIVO

Dende o menú de configuración poderá:

• Ver o nome actual do dispositivo e modificalo.

• Consultar a información do provedor do servizo.

• Acceder aos datos de contacto da entidade provedora.

Dende esta pantalla, o usuario tamén ten a opción de desvincular o dispositivo.

NOTA: No caso de modificar o nome do dispositivo, lembre gardar os cambios.

12. DESVINCULAR DISPOSITIVO

É posible desvincular un dispositivo dende o menú de configuración do dispositivo. Antes de facer permanente a desvinculación, solicitarase confirmación da operación. Unha vez desvinculado, se o usuario quere volver vinculalo, deberá iniciar o proceso de vinculación completo.

En caso afirmativo de desvinculación:

• Volverá á pantalla principal.

• O dispositivo desaparecerá da súa listaxe de dispositivos vinculados.

13. MENÚ LATERAL

Para despregar o menú lateral, prema sobre a icona situada na esquina superior esquerda (ver icona de frecha).

Dende o menú lateral poderá acceder a:

• Os meus dispositivos.

• O meu perfil.

• Axuda.

• Acerca de.

• Pechar a sesión.

O usuario tamén pode ver a súa foto de perfil, que será a que teña na conta de Google ou Apple, e o seu nome de usuario.

14. O MEU PERFIL

Na sección «O meu perfil» poderá xestionar:

• Nome.

• Apelidos.

• Correo electrónico.

• Número de teléfono.

• Idioma da aplicación.

Tamén poderá activar o acceso biométrico (impresión dixital e/ou recoñecemento facial).

IMPORTANTE: Despois de realizar cambios, lembre premer en «Gardar cambios».

15. ACCESO CON DATOS BIOMÉTRICOS

A aplicación permite habilitar o acceso mediante:

• Impresión dixital.

• Recoñecemento facial.

A dispoñibilidade destas opcións dependerá das capacidades do dispositivo móbil.

Unha vez activado o acceso biométrico, a aplicación solicitará autenticación ao volver abrila.

Se saímos da aplicación e volvemos abrila tras activar o acceso biométrico, veremos:

16. PECHAR A SESIÓN

Dende o menú lateral poderá pechar a sesión activa.

Ao premer «Pechar a sesión», a aplicación amosará unha mensaxe de confirmación.

Se confirma a acción:

• Pecharase a sesión actual.

• Volverá á pantalla de inicio de sesión.

• Amosarase unha mensaxe na que se indica que o peche se realizou correctamente.